بما أن البلد كلها في تلك الأيام تقف خلف جنودنا البواسل، وبما إننا تعلمنا أنه "لاصوت يعلو فوق صوت المعركة" كان لازم كلامي يكون عن المعركة الرهيبة. واوعى مخك يروح لبعيد، فهذه المعركة ليست لتحرير القدس ولا العراق ولا حتى جزر واء الواء. إنها معركة الأمم الإفريقية أعزائي المبتلون بحب الكرة مثلي. ففريقنا القومي "لعب في عداد عمره" وقرر بكامل قواه العقلية أن يتخطى موقعة أنجولا عشان يسير مأسوفًا على شبابه إلى مذبحة الأفيال. ودايمًا كل ما اسمع كلمة "أفيال" دي أصاب بدهشة كبيرة. حم
ار مين قال عليهم أفيال؟؟؟!! وأبطأ واحد في فريقهم أسرع من أتوبيس 28 ج اللي بيروح السابع وبعدين بص يا سيد لأشكالهم، دي مناظر أفيال بالزمة؟؟ ده حتى الأفيال شكلها طيب وكانوا بيرسمولنا كتير منها في كتب الحساب بتاعت الابتدائي عشان نحب المادة. عديها يا عم وبلاش تركز عشان ضغطك ما يعلاش. فالأمر المثير للقلق أن المتابع لآخر مبارتين للفريقين هيوصل لنتيجة واحدة ومباشرة ولا جدال عليها. فريقنا هيخرج بفضيحة. فأولاد الـ...........فراعنة صحيح فازوا امبارح، لكن المنظر العام كان " سو باد يا مان" الولد فلافيلو وجيلبيرتو متمرتش فيهم لقمة العيش وكانوا بياكلوا النجيل عشان يتعادلوا وكانوا هيعملوها بالفعل، لكن ربك ستر والمعلم استطاع - كعادة أي مدرب مصري - أنه يرص الأولاد ورا وعدت آخر ربع ساعة على خير وبدون أي مفاجآت. وعلى الجانب الآخر، بص يا سيدي وشوف الافترا. فتحت المعجم وحاولت أدور على كلمة توصف اللي الإيفواريين عملوه في غينيا في الشوط الثاني تحديدًا معرفتش أوصل لوصف ملائم. عشان كده هستخدم الوصف اللي استخدمه مدرب غينيا نفسه لما قال بعد المباراة "انه لأمر صعب أن تبني فريقًا ثم تشاهده يُسحق بهذا الشكل" والله عداك العيب يابني، ولو اني شايف ان كلمة سحق مش كفاية..كان لازم ييجي معاها فعص ودهس ودشدشه. النتيجة متوقعة بنسبة تزيد عن 85% هي فوز الأفيال. طبعًا كلامي مش هيعجبكم بس أنا احب الواقعية. فكك بقه من الفراعنة وخمس بطولات والكلام ده كله. همة أتقل مننا بكتيييييييير طب لو حصلت المعجزة وعرفنا نقفل على دروجبا هنروح فين من كالو وأرونا وكونيه وبكاري وايمانويل إيبوا وارتور بوكا وزوكورا ويايا توري وأخوه الحاج كولو؟؟؟ يا نهار مش طالعة شمس، بالزمة ده فريق ممكن نكسبه بالحالة اللي كنا عليها امبارح؟ نرجع لموضوعنا، وبعد ما نخسر من الأفيال هنقابل البلاك ستارز - اللي هيخسروا همه كمان من أسود الكاميرون - على التالت والرابع والمرة دي بقه ......هنخسر برضه وناخد المركز الرابع بجدارة (ولو ان المركز الرابع مع الناس دي مش وحش والله). قد يرى البعض ان ده قمة التشاؤم ..جايز، وياريت كل كلامي ده يطلع غلط. وعموما الأفيال ليست بالفريق الذي لا يُهزم. الموضوع بس محتاج مدرب بيفهم ولاعبون مخلصون. وأنا اعتقد أننا افتقدنا لكليهما في مبارة أنجولا وزامبيا من قبلها. فمع مدرب من عينة شحاتة ولاعبون من عينة متعب، أتوقع أن هناك كارثة بانتظارنا في مباراة دور قبل النهائي. وأخيرًا يا صاحبي دي نتايج التصويت على الفرق المتأهلة للنهائي من الموقع الرسمي للبطولة رأسًا إليك (خدمة خمس نجوم أهو).
ار مين قال عليهم أفيال؟؟؟!! وأبطأ واحد في فريقهم أسرع من أتوبيس 28 ج اللي بيروح السابع وبعدين بص يا سيد لأشكالهم، دي مناظر أفيال بالزمة؟؟ ده حتى الأفيال شكلها طيب وكانوا بيرسمولنا كتير منها في كتب الحساب بتاعت الابتدائي عشان نحب المادة. عديها يا عم وبلاش تركز عشان ضغطك ما يعلاش. فالأمر المثير للقلق أن المتابع لآخر مبارتين للفريقين هيوصل لنتيجة واحدة ومباشرة ولا جدال عليها. فريقنا هيخرج بفضيحة. فأولاد الـ...........فراعنة صحيح فازوا امبارح، لكن المنظر العام كان " سو باد يا مان" الولد فلافيلو وجيلبيرتو متمرتش فيهم لقمة العيش وكانوا بياكلوا النجيل عشان يتعادلوا وكانوا هيعملوها بالفعل، لكن ربك ستر والمعلم استطاع - كعادة أي مدرب مصري - أنه يرص الأولاد ورا وعدت آخر ربع ساعة على خير وبدون أي مفاجآت. وعلى الجانب الآخر، بص يا سيدي وشوف الافترا. فتحت المعجم وحاولت أدور على كلمة توصف اللي الإيفواريين عملوه في غينيا في الشوط الثاني تحديدًا معرفتش أوصل لوصف ملائم. عشان كده هستخدم الوصف اللي استخدمه مدرب غينيا نفسه لما قال بعد المباراة "انه لأمر صعب أن تبني فريقًا ثم تشاهده يُسحق بهذا الشكل" والله عداك العيب يابني، ولو اني شايف ان كلمة سحق مش كفاية..كان لازم ييجي معاها فعص ودهس ودشدشه. النتيجة متوقعة بنسبة تزيد عن 85% هي فوز الأفيال. طبعًا كلامي مش هيعجبكم بس أنا احب الواقعية. فكك بقه من الفراعنة وخمس بطولات والكلام ده كله. همة أتقل مننا بكتيييييييير طب لو حصلت المعجزة وعرفنا نقفل على دروجبا هنروح فين من كالو وأرونا وكونيه وبكاري وايمانويل إيبوا وارتور بوكا وزوكورا ويايا توري وأخوه الحاج كولو؟؟؟ يا نهار مش طالعة شمس، بالزمة ده فريق ممكن نكسبه بالحالة اللي كنا عليها امبارح؟ نرجع لموضوعنا، وبعد ما نخسر من الأفيال هنقابل البلاك ستارز - اللي هيخسروا همه كمان من أسود الكاميرون - على التالت والرابع والمرة دي بقه ......هنخسر برضه وناخد المركز الرابع بجدارة (ولو ان المركز الرابع مع الناس دي مش وحش والله). قد يرى البعض ان ده قمة التشاؤم ..جايز، وياريت كل كلامي ده يطلع غلط. وعموما الأفيال ليست بالفريق الذي لا يُهزم. الموضوع بس محتاج مدرب بيفهم ولاعبون مخلصون. وأنا اعتقد أننا افتقدنا لكليهما في مبارة أنجولا وزامبيا من قبلها. فمع مدرب من عينة شحاتة ولاعبون من عينة متعب، أتوقع أن هناك كارثة بانتظارنا في مباراة دور قبل النهائي. وأخيرًا يا صاحبي دي نتايج التصويت على الفرق المتأهلة للنهائي من الموقع الرسمي للبطولة رأسًا إليك (خدمة خمس نجوم أهو). Merci d'avoir voté
Ghana 11% (8 votes)
Cameroun 28% (20 votes)
Egypte 18% (13 votes)
Côte d'Ivoire 42% (30 votes)
هناك تعليق واحد:
يا جااااااااااامد يا جامد حلو اوي كلامك و مبروك لمصر و لكل المصريين و خصوصا الأستاذ أحمد .. أهه دخلت و كمان نزلت تعليق شايف الكرم بس انا بقي عايزة حق التعليق طبعا مش اي اي اللي علق .... مشمش
إرسال تعليق